Тээврийн цагдаагийн албаны алба хаагчдын ажил албанд хандах хандлага, шинэ санал санаачлагыг нэмэгдүүлэх, хамт олны уур амьсгалыг сайжруулах, ажлын бүтээмжийг дээшлүүлэх зорилгоор сар бүр албаны “Чадварлаг алба хаагч”-ийг шалгаруулж байна.

Алба хаагчдын сургалтын идэвхи, бие даан суралцсан байдал, ёс зүй сахилга хариуцлага, шинэ санал санаачлага, хувцаслалт, биеэ авч явах байдал зэрэг шалгуур үзүүлэлтүүдээр алба хаагчдыг дүгнэснээр Сүхбаатар дүүрэг дэх Замын цагдаагийн хэлтсийн цагдаа зохицуулагч, цагдаагийн ахлах ахлагч Д.Цэрэнбаатар 02 дугаар сарын “Чадварлаг алба хаагч”-аар шалгарлаа.

Шалгарсан алба хаагчийг сарын үндсэн цалингийн тодорхой хувиар урамшуулж, “Батламж” олгосон юм.

Тэрээр тус сард ажиллах хугацаандаа Сүхбаатар дүүргийн нутаг дэвсгэрт замын хөдөлгөөний зохиомол түгжрэл саатал, бүртгэгдэх зам тээврийн осол хэргийг бууруулах чиглэлээр 2 төрлийн санал гаргаж НАЗХГ-т саналыг хүргүүлсэн мөн ямар нэгэн зөрчил дутагдал гаргалгүй шинэ залуу алба хаагчдад үлгэр дуурайлал болж, иргэд жолооч нартай харьцахдаа цагдаагийн байгууллагын үйлчилгээний стандартыг баримталдаг, тэргүүнийн алба хаагчдын нэг юм.

Цаашид тус албанаас сар бүр чадварлаг алба хаагчийг шалгаруулж, урамшуулж ажиллана.