ЦАГДАА, ДОТООДЫН ЦЭРГИЙН БАЙГУУЛЛАГАД ОРЖ

АЖИЛЛАХ ХҮСЭЛТЭЙ ИРГЭДИЙН АНХААРАЛД

 

2022.12.08                                                                                                                                  Улаанбаатар хот

 

      Цагдаа, дотоодын цэргийн байгууллагын ахлагч албан тушаалын сул орон тоог нөхөх, нөөц бүрдүүлэх зорилгоор хуулийн дагуу цэргийн жинхэнэ алба хаах үүргээ биелүүлсэн, бүрэн дунд болон түүнээс дээш боловсролтой иргэдээс шалгаруулан авч, “Цагдаа”, “Цагдаа жолооч”, “Харуулчин” мэргэжил олгох сургалтад суралцуулах ажлыг зохион байгуулах гэж байна.

         Сул орон тоог энд дарж үзнэ үү.

Тавигдах ерөнхий шаардлага:

• Монгол Улсын иргэн байх,
• Монгол хэлний ярианы болон бичгийн чадвартай байх, /Монгол хэл бичгийн дүрэм, үг зүй, найруулга зүйн зохих мэдлэгтэй/,
• Гэмт хэрэг үйлдэж, ял шийтгүүлж байгаагүй,
• Сэтгэцийн өвчин, эмгэггүй байх,
• Бүрэн дунд болон түүнээс дээш боловсролын зэрэгтэй байх,
• Хуулийн дагуу цэргийн жинхэнэ алба хаах үүрэг хүлээсэн иргэн үүргээ биелүүлсэн байх /цэргийн албыг биеэр хаасан болон оюутан цэрэг, дүйцүүлэн хаасан/,

Тавигдах тусгай шаардлага:

• Биеийн өндөр 170 см буюу түүнээс дээш, 30 хүртэл настай,
• Эрүүл мэндэд тавигдах шаардлагыг хангасан байх,
• Биеийн ил харагдах хэсэгт болон биеийн хэсгийн 18-аас дээшгүй хувьд шивээс, нүүрэнд илэрхий сорви, мэс заслын оёдол болон гажиггүй байх,
• Цагдаагийн алба хаагчийн сахилга, ёс зүйг сахиж, тогтвор суурьшилтай хариуцлагатай ажиллах,
• Нөхцөл байдлыг зөв үнэлж, шийдвэр гаргах, багаар ажиллах, иргэдтэй зөв боловсон харилцах ур чадвар эзэмшсэн байх, хувийн зохион байгуулалт сайтай, ажлын ачаалал даах чадвартай байх,
• Автомашины засвар үйлчилгээ, оношилгоо хийх /цагдаа жолооч/,
• 3-аас доошгүй жил тээврийн хэрэгсэл жолоодсон туршлагатай байх, жолооны В, С ангилалтай байх /цагдаа жолооч/

Албан тушаал дээр дурдагдсан ерөнхий болон тусгай шаардлагыг хангаж байгаа бол цагдаа, дотоодын цэргийн байгууллагад ажиллахыг хүссэн иргэд бүртгэл, судалгаанд хамрагдана. Үүнд:

Бүрдүүлэх баримт бичиг:

• Өргөдөл /татаж авч бөглөөд .pdf/
• Биеийн байцаалт (Төрийн албаны зөвлөлийн 2019 оны 05 дугаар тогтоолын 1-6 дугаар хавсралтаар баталсан “Төрийн албан хаагчийн анкет”-ын дагуу бүрэн бичсэн байх);
• Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах; /.pdf/
• Сурагчийн хувийн хэрэг; /.pdf/
• Иргэний үнэмлэх; /.pdf/
• 3 үеийн намтар/.pdf/;
• Оршин суугаа хаягийн тодорхойлолт/.pdf/;
• Цэргийн үүрэгтний үнэмлэх /.pdf/
• Эрүүл мэндийн асуумж /.pdf/
• Урьд нь ажил, хөдөлмөр эрхэлж байсныг гэрчлэх баримт /нийгмийн даатгалын дэвтэр, хөдөлмөрийн дэвтэр/-ийн эх хувь; албанаас чөлөөлөгдсөн бол тушаалын хувь; архивын лавлагаа/.pdf/,
• "4 х 6”-гийн хэмжээний цээж зураг; /.pdf/    

         Тайлбар:

      - Дээр дурдсан баримт бичгийг заавал нотариатаар баталгаажуулсан байхыг шаардахгүй бөгөөд баримт бичгийн үнэн зөвийг хүсэлт гаргасан иргэн өөрөө хариуцна.

       - Хэрвээ ерөнхий болон тусгай шаардлагыг хангахгүйгээ нуун дарагдуулсан, хуурамч, дутуу баримт бичиг бүрдүүлснээс үүдэн гарах хохирол, хариуцлагыг буруутай этгээд өөрөө хүлээнэ.

       - Баримт бичгийн эх хувийг хуулбарлан зохих шаардлагад нийцүүлэн цахим хэлбэрээр, тогтоосон хугацаанд хүргүүлнэ.

       - Төрийн албан хаагчийн анкет, шалгалтад бүртгүүлэх тухай хүсэлтэд өөрийн гарын үсгээ зурсан байна.

       - Шалгалт зохион байгуулах комисс шаардлагатай гэж үзвэл нэмэлт материал шаардах эрхтэй болохыг анхаарна уу.

     - Эрүүл мэндийн үзлэгийг Нийслэлд Төрийн тусгай албан хаагчдын нэгдсэн эмнэлэгт, орон нутагт харьяа Нэгдсэн эмнэлэгт хийлгэх,

      - Дээрх бүрдүүлбэрийн дэс дарааллын дагуу файлуудаа нэгтгэн (pdf, rar, zip) 1 файл болгон энэхүү зард заасан цахим шууданд ирүүлнэ үү.

- Улаанбаатар хотод харьяа Дүүргийн цагдаагийн газар, Нийтийн хэв журам хамгаалах, олон нийтийн аюулгүй байдлыг хангах алба,  Тээврийн цагдаагийн алба, Экологийн цагдаагийн алба, Санхүү, аж ахуйн алба, Автобааз, Дотоодын цэргийн штаб, Дотоодын цэргийн 05, 805 дугаар ангид,

      - Аймаг орон нутагт нутаг дэвсгэрийнхээ цагдаагийн байгууллагад хандан бүртгэл, судалгаанд тус тус хамрагдана.

           Шалгалтад орох иргэдийн хүсэлтийг хүлээн авах ба бүртгэх:

         Цагдаа, дотоодын цэргийн анги, байгууллагад шалгалтад оролцох иргэний хүсэлт, холбогдох баримт бичгийг 2022 оны 12 дугаар сарын 08-ны өдрөөс 2023 оны 01 дүгээр сарын 11-ний өдрийн 17:00 цаг хүртэл доорх цахимаар хаягаар хүлээн авна.

№	Бүртгүүлэх газар	Бүртгүүлэх цахим хаяг	Тайлбар
1	Баянзүрх дүүргийн цагдаагийн газар	hr.bzd@police.gov.mn	Дотоодын цэргийн харуул сул орон тоонд бүртгүүлэх иргэдийг оршин суух газрын  харъялал харгалзахгүйгээр амьдарч байгаа нутаг дэвсгэрийн цагдаагийн байгууллага бүртгэж, шалгалтыг зохион байгуулна.   Харин бусад сул орон тоонд бүртгүүлэх иргэдийг тухайн сул орон тоо зарласан цагдаагийн байгууллагаас бүртгэж, шалгалтад оруулна.
2	Баянгол дүүргийн цагдаагийн газар	hr.bgd@police.gov.mn
3	Сүхбаатар дүүргийн цагдаагийн газар	hr.sbd@police.gov.mn
4	Хан-Уул дүүргийн цагдаагийн газар	hr.khud@police.gov.mn
5	Сонгинохайрхан дүүргийн цагдаагийн газар	hr.skhd@police.gov.mn
6	Чингэлтэй дүүргийн цагдаагийн газар	hr.chd@police.gov.mn
7	Багануур дүүргийн цагдаагийн газар	hr.baganuur@police.gov.mn
8	Налайх дүүргийн цагдаагийн газар	hr.nalaikh@police.gov.mn
9	Архангай аймгийн цагдаагийн газар	hr.Arkhangai@police.gov.mn
10	Баянхонгор аймгийн цагдаагийн газар	hr.Bayankhongor@police.gov.mn
11	Булган аймгийн цагдаагийн газар	hr.Bulgan@police.gov.mn
12	Баян-Өлгий аймгийн цагдаагийн газар	hr.Bayan-Ulgii@police.gov.mn
13	Говь-Алтай аймгийн цагдаагийн газар	hr.Govi-Altai@police.gov.mn
14	Говьсүмбэр аймгийн цагдаагийн хэлтэс	hr.gobisumber@police.gov.mn
15	Дорнод аймгийн цагдаагийн газар	hr.Dornod@police.gov.mn
16	Дорноговь аймгийн цагдаагийн газар	hr.dornogobi@police.gov.mn
17	Дундговь аймгийн цагдаагийн газар	hr.Dundgobi@police.gov.mn
18	Дархан-Уул аймгийн цагдаагийн газар	hr.Darkhan-Uul@police.gov.mn
19	Завхан аймгийн цагдаагийн газар	hr.Zavkhan@police.gov.mn
20	Орхон аймгийн цагдаагийн газар	hr.Orkhon@police.gov.mn
21	Өвөрхангай аймгийн цагдаагийн газар	hr.Uvurkhangai@police.gov.mn
22	Өмнөговь аймгийн цагдаагийн газар	hr.Umnugobi@police.gov.mn
23	Сэлэнгэ аймгийн цагдаагийн газар	hr.Selenge@police.gov.mn
24	Сүхбаатар аймгийн цагдаагийн газар	hr.sukhbaatar@police.gov.mn
25	Төв аймгийн цагдаагийн газар	hr.Tuv@police.gov.mn
26	Увс аймгийн цагдаагийн газар	hr.Uvs@police.gov.mn
27	Ховд аймгийн цагдаагийн газар	hr.Khovd@police.gov.mn
28	Хэнтий аймгийн цагдаагийн газар	hr.Khentii@police.gov.mn
29	Хөвсгөл аймгийн цагдаагийн газар	hr.Khuvsgul@police.gov.mn
30	ДЦ-805 дугаар анги	hr.Dts805@police.gov.mn
31	ДЦ-05 дугаар анги	hr.Dts05@police.gov.mn
32	Автобааз	hr.Avtobaaz@police.gov.mn
33	Мэдээлэл, шуурхай удирдлагын алба	hr.MSHUT@police.gov.mn
34	Тээврийн цагдаагийн алба	hr.ttsa@police.gov.mn
35	Нийтийн хэв журам хамгаалах, олон нийтийн аюулгүй байдлыг хангах алба	hr.ekhg@police.gov.mn

          Шалгалтын хуваарь:

        Бүртгэлд хамрагдсан иргэд 2023 оны 01 дүгээр сарын 20, 21-ний өдөр 09:00 цагаас тухайн судлагдсан байгууллага дээрээ шалгалтад орно.

(Уншиж судлах эрх зүйн баримт бичгийн жагсаалтыг энд дарж үзнэ үү.)

Шалгалт эхлэхээс 15-аас доошгүй минутын өмнө иргэний үнэмлэхтэйгээ ирж суудлаа эзэлсэн байна.

Шаардлагатай тохиолдолд 70191095, 70191043 дугаарын утсаар холбогдож тодруулах зүйлийг  лавлана уу.

 

ТӨРИЙН АЛБАНЫ ЗӨВЛӨЛИЙН

ЦАГДААГИЙН ЕРӨНХИЙ ГАЗАР ДЭРГЭДЭХ

САЛБАР ЗӨВЛӨЛ