Замын цагдаагийн албаны Чингэлтэй дүүрэг дэх Замын цагдаагийн хэлтсийн хамт олноос санаачлан шинэ оны босгон дээр тус дүүргийн 10 дугаар хорооны нутагт оршин суудаг Г.Дэлгэрдалайгийнд хүрэлцэн очиж Шинэ жилийн баяр хүргэн гарын бэлэг гардууллаа.

Г.Дэлгэрдалай нь 6 хүүхэдтэй, өрх толгойлсон эх бөгөөд тус хэлтсийн хамт олныг төлөөлж, хэлтсийн дарга, цагдаагийн хурандаа Д.Ганболд, чиглэлийн ахлах зохицуулагч, цагдаагийн хошууч Ч.Чинзориг мөн зохицуулагч, цагдаагийн ахмад Б.Амарсанаа нар хүүхдүүдэд шинэ жилийн гарын бэлэг мөн гурил, будаа зэрэг хүнсний хэрэглээг өглөө.