Түгжрэлийг бууруулах ажлын хэсэг 2018 оны 1 дүгээр сарын 05-ны өдөр хуралдлаа. Хуралдаанаар удахгүй болох Сар шинийн баярын өдрүүдэд замын хөдөлгөөнд хийгдэх хөдөлгөөн зохицуулалтын ажлууд, энэ онд үргэлжилэн хийгдэх томоохон бүтээн байгуулалтын ажлуудын нэг болох замын цагдаагийн урд баригдах гүүр болон авто замын ажлууд хийгдэхэд зайлшгүй нээх орц, гарцын талаар хэлэлцлээ.

Өнгөрсөн 2017 онд замын хөдөлгөөнд баруун эргэлтээр 277 мянга, зүүн эргэлтээр 203 мянган зөрчлийг тус тус илрүүлсэн байна. Үүнээс харахад замын хөдөлгөөнд оролцогчид дүрмийн зөрчлийг маш их гаргаж байгааг албаныхан танилцууллаа.